وانا بنضف من شوية لقيت كشكول قديم عاصر اول جولة في حبي ليك , لقيت خاطرة كتبنها ونسيتها اول مرة مسكت ايدي وواحدة تانيه يوم مارحنا البرج سوا وواحدة يوم اتأخرت عليا وقعدت ساعه ونص مستنياك في المترو , لقيت كلام كاتباه ياسمين بدالي يوم ماكنت عندها وعندي امتحان ومكنتش فاضية عشان كنت بكلمك من بلكونتها بصالحك عشان كنت زعلان مني ولما قفلت معاك دخلت اتنططت علي سريرها وقعدت اوصفلها انا قد ايه بحبك  لقيت تفاصيل كتير ووجع اكتر لقيت اني من كام سنة كنت بعرف اكتب واحب واتكسف واقشعر من لمسة ايد واكتشفت اني بسببك انت بس انا بطلت احس بكل انا حتي بطلت ابقا نفسي ..

 

ثمة اماكن تربطني بها علاقة وطيدة لم ازورها يوما اللا فـي الاحلام
 ولكني اشعر بالغربة ف هذة المدينة المضجرة بدونها ..
 فا ثمة فروع للنيل لم تنبع بعد وثمة طرق ومحطات انفاق لأماكن وهمية لم تستكشف بعد ..
 وثمة قصور وبيوت لم تشيد .. اشجار واعشاب تحوطني واسوار عالية تسجنني
 وسلاسل اخري رغم ضيق قيدها تحررني ..
ثمة بيت صغير يجمعني بك وطفله صغيرة انجبتها منك خلسه ..
لها نفس بريق عينيك وابتسامتك الساخرة ف وجه الدنيا
واريكة صغيرة امامها نافذة على الجنة
ثمة احلام لم ننم قط لنحلمها وامانى كثيرة ندعو الله اللا يحققها
ثمة رائحه دوما للذكري ومحطات كثيرة للوداع
ثمة وقت يمر بلا رحمة
وثمة رجال ينتظروننا ف اروقة الدنيا بالحنين ذاتة والحب والدفئ والاخلاص
وثمة رجال مقيمين بداخلنا يشيدون مدن الذكري وينبهون حواسنا دوما على توقع الخذلان
وثمة ندوب لا مرئية للجروح وكلمات ابداَ  لن تقال
اما انت ياسيدي فلابد لي ان اعترف ان لك وحدك وهج الحب والاحلام العاقر
 والخيبات الصغيرة والطعنات ..
 فـ  لك وحدك ابتدء الحلم ومعك وحدك اصبحت فتاه لا تؤمن ابدا بالخرافات ..

                              

   إلى منْ لآ يهمه أمري

  انكرتني يوماُ فـ أحــببتك 

 ابكيتني يوماُ فـ أسعـدتـك

أهنتني يوماُ فـ تحمـلتـك

 نفيتنـي يوماُ فـ أحتـويتك

 نسيتني يوماُ فـ تذكـرتك

  وخنتني يوماُ فـ عذرتـك 

  فهجرتني يوماُ فـ أنتظرتك 

 عذبتني دهــراُ فـ سـامحتك

...

   ايها الغريب جـداعنــي 

   ايها القـريب جــداُ منـي 

...

  سيأتي يومـاُ وتعرف اي حبٍ غـادرت 

 سيأتي يومـاُ وتعرف اي قلـب عذبـت 

 سيأتي يومـاُ وتعرف اي انثي خسـرت

...

ستعرف معني الحب بعدي 

معني الغدر بعدي 

معني القسوة والظلم بعدي 

...

ويأتي زمان يضيع الأمان 

تضيع الملامح 

حدود المكان 

ولا يبقي شئ 

ولا تبقي انت 

...

فاتشقي لترسي لبر الأمان 

وبئر الحنان 

 تجوب الارض بعدي 

فلا لــن تجدنـي

 

اخر حاجة كانت كاتباها كان تاريخها من سنة وكام يوم ‘‘
صدفة غريبة فعلا انى نفسى احط نفس العنوان اللى هى كانت حاطاه وهو ان لا تثق فى اى شخص
وتمجيداً للصدفة دى انا هاقتبس اول سطر هى كتبته وقتها لانى فعلا نفسى اكتبه بردو

احساس مؤلم جداً عند اصطدامك بواقع ما كنت تكذب نفسك مرارا لكى تقنع نفسك بـ انها ليست حقيقة الأمور

فعلا احساس مؤلم جدا اما تفضل عايش سنين طويلة مقتنع بفكره وكل حاجة تأكدلك عكسها وانت رافض تصدق طيب وتصدق ازاى وهى دى الفكره الوحيده اللى فى حياتك اقتنعت بيهابدون شك ابقى بكدب لو قلت ان اللى انا حاسه سهل تخطيه وابقى كداب لو قلت انها كانت صدمة عادية يمكن كتير اوى هايشوفوها عادية ومش من حقى انى حتى اتصدم بس عشان محدش فاهم ولا حد هايحس باللى انا حاسه
بس مجازاً॥
زى ماتكون بحار صغنن اوى ولقى لؤلؤة جميلة وبتلمع اوى فرح بيها وفضل يلعب بيها ومكنش يعرف هى اد ايه ثمينة وسابها فى مكان امين وحصنها بحاجات كتيرة اوى عشان محدش يعرف يوصلها لحد مايسافر ويرجع وساعتها هايحس انه يستحقها
واما سافر ورجع لقاها اتحركت من مكانها وحد غيره مسكها وفضل يتفرج عليها هو مش محتاجها بس يمكن عشان يحسس نفسه ان البحار اللى لقى اللؤلؤة ده مش احسن منه فى حاجة مع انه مش محتاجها بس عايز يثبت لنفسه حاجة زى اللى بيحاول القراصنة اثباتها لنفسهم لكى يرضوا عقولهم ورغباتهم المريضة ‘ انى لا اقلل من حجم هذا القرصان لان البحار هو الذى أعطاه تلك الفرصة لكى يحرص له اللؤلؤة حتى يعود من رحلته ‘‘‘‘‘‘‘‘‘‘‘‘

الكلمات لا تسطيع ان تعبر ولا الأساطير عما اشعر به ان قلب تلك الفتاه دق ولو للحظة لشخص اخر بعدما تعلمت حروف تلك الكلمة من شخص واحد فقط ليس من حقى ان الومها ولكنى الوم تلك الزمن الذى جعلنى اثق مجدداً فى بنى البشر بعدما كنت فقدت الثقة تماماً فيهم ‘ ما يحزننى انها عندما كانت تتحدث معى وتهرب مشاعر منها اعتقدت فى كل مره انها هاربة من قلبها الى قلبى فى كل مره حدثتنى عنه كنت اضع خنجر فى عقلى حتى لا يسمح بتلك الوساوس ان تخترق قلبى فلا مجال للشك فوفائها ولا مجال للشك فى وفائه

هو لم يخوننى ولكنه حرك لؤلؤتى كنت اتمنى ان يأخذ تلك اللؤلؤة اى قرصان اخر ولكن ليس هذا الذى استئمنته على لؤلؤتى وكنت اتمنى ان تسمح هى لمشاعرها ان تتحرك تجاه اى احد ولكن هو لا

ان كل مايحث فى نفسى وفى قلبى بشده انى كلما اغمضت عينى رأيتها وهى تقول له نفس الكلمة التى كانت تقولها لى فهذا طبيعى ولكننى لم اتعود عليه منها ‘ فكلمات الحب التى وضعتها بين شفتيها وضعتها لكى تقولها لى ليس لأى شخص اخر
حقاً لأول مره أجد صعوبة بالغة فى التعبير وعدم التنسيق فكفىوالأن فلا يوجد مجال للأعذار والمبررات فكلما اعتذرتى كلما اكدتى وكلما نفيتى كلما اثبتى مايدور فى ذهنى ‘

إنما انتى ياجميلتى كل مايحث فى نفسك صورتك تجاه نفسك فاتختلقى الأحاسيس وتنفيها لكى تصدقى ذاتك المهزوم ولكنه ساينهزم
اكثر واكثر واكثر

واحب اختم بردو بأخر سطر كتبتيه عنى من سنة

لما تبقا فاضي ابقا بص لنفسك فى المرايه وشوف انت حتى عايز ايه من نفسك قبل ماتعرف انت عايز ايه من الناس ..

احساس مؤلم جداً عند اصطدامك بواقع ما كنت تكذب نفسك مرارا لكى تقنع نفسك بـ انها ليست حقيقة الأمور , وأن ماتظنه عن حقيقة من تحب هوا ليس الأ نسيج من خيال كبريائك المجروح نتاج موقف ما صدر منة ضدك ,, ولكنك بعد فترة عندما تتأكد أنك كنت مخطئ وأن ظنك بمن أحبه قلبك ليس اللا جزءاُ صغيراُ جدا ُمن حقيقته .. حينها فقط سوف تشعر بالمعني الحقيقي لكلمة خيبة الأمل

॥

جميل جدا ان الكلام دا انا كتبته علشانك انك تقراه ويعجبك ॥ كنت بكدب نفسي كتير اوى اوى فى انى اصدق انك كدا ॥ بس صدقنى مفيش احساس فى الدنيا اصدق من احساس بنت حبت بجد , لما تبقا فاضي ابقا بص لنفسك فى المرايه وشوف انت حتى عايز ايه من نفسك قبل ماتعرف انت عايز ايه من الناس ..

زهقت وتعبت

مممممممم زهقت وتعبت ونفسى ارتاح بقى حاسس ان جوايا بردان اوى مش حاسس باى دفئ داخلى مبقتش بعرف اعبر كمان فى حاجات كتيرة اوى ماتت ولسه بتموت كل يوم ومبقناش بنتكلم ولا بنعبر لأن مبقاش ليه فايدة لما نتكلم فى احاسيس ومشاعر بتموت فى غلطات بنعملها واحنا مش حاسين فى ناس بنخسرها واحنا مش مقدرين فى ناس بنحافظ عليها واحنا مغمضين فى حاجات كتيرة اوى غلط ومش قادرين نعدلها ولا نتحكم فيها .‘‘‘دانا حتى مش عارف اقول اللى انا حاسس بيه دلوقتى ‘‘
يمكن اكون حاسس بده .....‘‘

فى حاجز بعدنا ومش قادرين نحطمه مش قادرين حتى نبص فى عيون بعض بالرغم انى مستعد اعمل حاجات كتير عشان نظرة من عنيها
فى حاجز قتل كل حاجة جميلة بنا وكان عايز ونجح انه يكون بنا نجح كمان انه يدمر اللى اتبنى فى كتير اوى وهى دى وظيفة الحاجز ده فى الحياة يفرق بس مايجمعش ‘‘ نفسى بجد احطم الحاجز ده وامسحه من على وش الدنيا لو ااقدر نفسى ادمره زى مادمر كل حاجة فى حياتى زى ماكسرنى وفرق وبعد ناس كتيرة عنى مش عارف ليه مش عايز يسبنى فى حالى ‘‘بس انا كمان مش اقوى راجل فى العالم عشان ادمر حاجز عمل كل ده وعاش سنين طويلة مش قادر ادمره المشكلة الأكبر ان دايما البنى ادم اللى فى الجانب التانى ورا الحاجز اللى بيحجزنا عن بعض دايماً رافض بطريقة غير مباشرة انه يساعدنى فى تحطيم الحاجز ده وكأن ان لازم انى احطمه لوحدى انا بجد مش قادر وكرهت الحاجز ده لدرجة تفوق تخيلات البشر ‘‘ انا بجد تعبت وزهقت ومبقتش عارف اعمل ايه ,,..

انا حاسه بالوحدة والحزن والتعب والحيرة انا حاسه بالخوف
انا عامله زى لوح الازاز الكبير لما حد بيرمى عليه طوبه من بعيد بيكسرة