عجبانى اوى الصورة دى ونفسي اعيش لحظه زى اللى عايشاها البنت اللى فى الصوره

لو نصارح بعض ف بداية لقانا ..لو في يوم ملينا أو ضعنا ف هوانا ..

نتفق نبعد وننسى كل شي ..الفراق أهون كتير قوي من الخيانه ..

كل واحد يمشي حر .. ليه نعيش في عذاب ومر ..

الفراق جرح لحظه .. والخيانه جرح عمر

قولي ازاى تبقى عايش بين ايديا ومش معايا ..

تقدر تعيش ازاى فى نفس الوقت اكتر من حكايه ..

اللى عايز كل حاجه مش هياخد اى حاجه ..

ليه نكمل للنهايه متصارحنى مالبدايه .

.كل واحد يمشي حر .. ليه نعيش في عذاب ومر ..ا

لفراق جرح لحظه .. والخيانه جرح عمر

النهارده 18/10/2009

حاسه بالاغنيه دى جدا وقاعده اسمعها من الصبح وحاسه انى مكسوره بجد

بتمنى انى كنت اخلى اللى مرتبطه بيه يسمعها واطلب منه انه يصارحنى طول الوقت احسن من انى اوصل للحاله اللى وصلتلها دلوقتى ,

صعب اوى الاحساس بالخيانه واللى اصعب منه انك تسكت ومتقدرش تتكلم وتتفرج على نفسك وانت متابع كل الاحداث من بعيد

وكرامتك ماتسمحلكش انك تثور او حتى تنطق , فاتلملم قلبك واللى اتكسر منك وتقف تتفرج من بعيد

ناس كتير اوى بتعمل كدا بس انا ان شاء الله نويت انى ابطل حتى اتفرج

نويت امشي وابعد على كدا واعلم قلبي مايسامحش ومايحنش وميجربش انو يتفرج من ولا يتابع باقى الاحداث

حتى السؤال اللى كل الناس بتسئله لما بتتجرح هابطل اسئله لنفسي وهو ليه انا حصلى كدا او ليه عمل معايا كدا

ملوش لزوم السؤال ولا الحيره فى الأجابه

علشان مابقاش فى مكان فى قلبي يساع الحب والخيانه والغدر وكل دا

انا بقول كلام كتير بس مش عارفه اعبر عن اللى انا حاساه

بس بجد من النهرده انا قررت انى اقفل على كدا

ومفيش اى سبب او مبرر هايتقال هاصدقه

هاقوى على نفسي واقويها

وهاوعد قلبي ان دا

مش هايتكرر.

علشان كدا انا كتبت التاريخ

شعور غريب

مش فاهم مش عارف ايه اللى حاسه ده
ازدحام مشاعر . تراكم أحداث . خلافات . صداقات . كره . حب . اشتياق . ذكريات . ودنيا بتلعب بينا والقرار مش قادرين ناخده ولا نتحكم فى نفسنا ولا نسيطر على قلوبنا
ناس بنحاول نكرهم بنلاقى نفسنا بنحبهم أكتر وناس بنحاول نحبهم نلاقى نفسنا بنكرهم أكتر ..... ايه ده وليه ده
عايز أسافر عايز أبعد مش يوم ولا اتنين ولا شهر ولا شهرين لا أكتر بكتير محتاج أبعد يمكن اعرف قيمة الناس أو هما يعرفوا قيمتى مابنكرش عايز أكمل حياتى وبحارب اليأس والإحباط لكن كل مابتقدم خطوة بلاقى موجة جامده اوى مكنتش على بالى رجعتنى خطوتين طب وبعدين كتير بقول لنفسى مش انا لوحدى اللى كده وبعانى من تلاعب الدنيا بيا لا فى ناس كتير كده ولكن ايه الحل واستفدت ايه اما عرفت ان فى كتير بيعانوا زيي يمكن ارتحت شوية .....ممكن

لكن هافضل تعبان لحد ماطلع بره على الشط لكن طلوعى على الشط بيعنى هزيمتى مفيش حد بيرجع على الشط الا لما يكون مهزوم لكن أنا عايز اكمل يمكن اوصل للشط التانى لكن شايفه بعيد زياده عن اللزوم وكل مااحس انى قربت بعدها بكتشف انى غلطان وان لسه بدرى اوى
بجد مش عارف ومش فاهم فى ايه

ياترى احنا اللى غلط ولا احنا اللى جينا فى زمن غلط وعشنا مع ناس مش فهمانا ولا حسانا ...

كلام من القلب....
مومو

انا بقى مومو اللى هى عمالة تتكلم عليا من ورايا
هى دايما شيفانى غلط وكل أرائى غلط مع ان كل أرائى بتبقى صح وبتبقى مقتنعة بيها ولكن عمرها ماتعترف انى صح ولا انها مقتنعة لازم تعاند فى كل حاجة .....
داغير انها ندلة حبتين بقالى يومين بموت وتعبان اوى وهى مسألتش
يبقى دى بقى تستاهل ايه؟؟؟